Hvar er Gulli? Hvar er krakka skrattinn að gera óskunda núna?

Þjóðir hafa sjálfsákvörðunar rétt og við eigum  víst að hafa svoleiðis líka.  Ekki er þó allt sem sýnist og  monthænsn lítillar þjóðar sem þurfa að gera sig gildandi gagnvart stórþjóðum og samböndum þeirra, þau þurfa náttúrulega að hafa lítilsháttar nammi í poka til að gefa hinum háu herrum í útlöndum.

Þjóðir hafa landamæri og við líka.  En Guðlaugur Þór stal þeim af okkur og gaf þau útí loftið í útlöndum svo að nú vitum við ekkert um landamæri, eigum engin sem skipta máli.  Hvenær skyldi það gerast að stjórnvöld hér, hverju nafni sem nefnast átti sig á því að við erum hér nokkur sem langar að eiga heima hérna með þeim gæðum sem landinu tilheyra og við viljum geta verið stolt, En með Gulla í utanríkisráðuneytinu er ekki hægt að vera stoltur.  

Of mikið af monti og bulli gæti orðið til þess að gamlir menn kæmu fram með framhlaðninganna sína.

Ég leyfi mér að benda hér á grein þína Jón Magnússon, Gagnrýni Refsiverð.

 

Hvar er Guðlaugur Þór?

Ekki taldi ég þörf á að hafa eftirlit með honum, en í ljós er að koma að það var misráðið að gera hann að utanríkisráðherra, því hann reynist vera undirförul og falskur, upppumpaður af  þeirri grillu margra þingmanna og ráðherra að lýðurinn skipti ekki máli. 

Það séu þeir og bara þeir þingflokkurinn og ráðherrarnir sem einhvers gildi séu. Ég nefni að hann fyrir okkar hönd niðurlægði okkur með því að lýsa því yfir að Ísraelar mætu ekki ráða sinni höfuðborg sjálfir.  Hann hefur og líst því yfir að hann ætli að styðja þriðja orkupakka Evrópusambandsins, og ekki veit ég kvað hann er að bauka núna snáðinn sá.   

Þetta Klausturmál er komið svo lagt útí móa með öfga þvaðri

að sumt það fólk sem þar hefur sig mest í frammi sem dómarar götunnar, mætti alveg læra að skammast sín til jafns við þá sem viðhöfðu ósæmileg orð á krá, en sumir þeir menn sem þarna voru á þessari krá höfðu ekki uppi nein ósæmileg orð en eru samt víttir, dæmdir og refsað af dolluberjandi Austurvalalíð.  Það er ekkert ósæmilegt við það að segja formann einkvers flokks  slæman stjórnanda, sérlega þegar í ljós kemur að sú er raunin.   

Það fólk sem stundað hefur að tefja störf Alþingis á umliðnum árum mæti líka læra að gera slíkt hið sama, sem og það fólk sem hafnaði ESB umsókn fyrir kosningar til að draga að sér atkvæði og stóð svo að slíkri umsókn eftir kosningar og hamaðist við að troða uppá okkur Icesave vitleysunni sem þjóðin þurfti að troða í tvígang í kok þeirra og svo þegar allar staðreyndir lágu fyrir um þetta gersamlega óþarfa mál þá var bara yppt öxlum og sagt, nú! var það svona!!, ég vissi það ekkert.   

Virðingaleysið fyrir þjóðinni sem borgaði honum laun var algert sem og virðingaleysi fyrir kjósendum sem vildu ekki ESB umsókn og þau voru fleiri verkin sem æskilegt hefði verið að þessi maður hefði aldrei komið nálægt.  Núverandi forseti Alþingis á mestan heiður af þessari ESB umsókn og Icesave vitleysu allri og ein mesta hneisa sem yfir Alþingi hefur riðið er að setja þennan mann í stól forseta Alþingis.

Svo lítur út sem Birni Bjarnasyni sé í nöp við Fullveldisdaginn fyrsta des,

en því kærari sé honum Lýðveldisdagurinn sautjándi Júní og er það mér að meinalausu.  Birni finnst það skrítið að mönnum skuli detta það í hug að gera sér daga mun af og til fyrsta des, en það er nú kannski ekkert skrítið, þar sem almennt er gert meira með sautjánda júní heldur en fyrsta des.

 Mér er það ljúft að segja að í áratugi studdi ég Sjálfstæðisflokkinn, en svo kom Bjarni Ben sem er flækjufótur og handónýtur foringi og þá ríkir áttleysi, stefnuleysi og í viðbót kærulaust, ískalt rænuleysi, fyrir gildum grundvallar stefnuskrár Sjálfstæðisflokksins.

Hver sem vill getur náttúrulega lesið sögu Björns Bjarnasonar laugardaginn fyrsta des 2018.

„Fullveldisdegi fagnað“.

En er ekki eitthvað sérstakt við þetta ágrip af sjálfstæðissögu okkar og hvergi minnst á heiður neins nema kannski Bjarna frá Vogi.  Þar komu ýmsir ágætismenn við sögu og mögulega ekki allir sammála eins og stundum er.  Svo lítur út  núna, sem Þingflokkur Sjálfstæðisflokksins ætli með leyndar hyggju  að lauma okkur þegjandi og hljóðalaust inní í þetta ókjörna ESB stjórnræði á agúrkusneiðum plús stórum orkupökkum.  

Það er þá meiri andskotans Kvislinga áhöfnin sem skipar þingflokk gamla Sjálfstæðisflokksins  okkar, ja það er þá ekki mikið þó hann rotni atkvæða laus í saltlausri tunnunni.

 

Páll Vilhjálmsson 1/12/18, hér á bloggsíðunnum fjallar um

 „fullveldið embættismenn og þriðja orkupakkann“ og vitnar hann þar í hugvekju til Íslendinga sem Jón Sigurðsson er höfundur að og birtist hugvekja þessi  í Nýjum Félagsritum 1848.

Ég leyfi mér að setja þessa samantekt Páls Vilhjálmssonar hérna og hef ég orð Jóns feitletruð.

Páll segir:

Þótt 170 ár séu liðin frá hugvekjunni er enn að finna þar margt sem á beint erindi við samtímann. Hér talar Jón um embættismenn:

þjóðin er ekki til handa embættismönnum sínum, heldur eru þeir handa henni; hún á því með að krefja þá reikníngskapar fyrir stjórn þeirra, og þeir eiga að svara;

Embættismenn eiga það til, nú sem fyrr, að starfa ábyrgðalaust í þágu annarra hagsmuna en þjóðarinnar. Gefum Jóni aftur orðið:

Hafi þessvegna þjóðin ætlað að leita ábyrgðarmanns fyrir eitthvað sem aflaga fór, þá hefir enginn fundizt, hver hefir vísað frá sér og kennt yfirboðara sínum, og svo koll af kolli.

Íslenskir embættismenn hafa á síðustu árum dundað sér við að koma raforkumálum Íslendinga í hendur útlendinga – Evrópusambandsins. Veik lýðræðislega kjörin stjórnvöld, þ.e. þingmenn og ráðherrar, hafa fremur verið strengjabrúður í höndum embættismanna en fulltrúar almannahagsmuna.

Á aldarafmæli fullveldisins yrði það falleg gjöf til þjóðarinnar, og til heiðurs minningu Jóns Sigurðssonar, að stjórnmálamenn tækju fram fyrir hendur embættismanna og afþökkuðu þriðja orkupakka Evrópusambandsins. Í framhaldi má skila tveim fyrstu pökkunum frá Brussel.

Jón skrifaði hugvekjuna á byltingartímum. Þjóðir risu upp gegn einveldi. Óábyrgt og umboðslaust embættismannaveldi er ekki hótinu betra en einveldi.

Takk fyrir Páll Vilhjálmsson.

 

Hvernig skildi sanda á því ?

Að svo virðist sem hvergi sé pláss fyrir hótel nema ofan í gömlum kirkjugarði í Reykjavík ?  

Skrítið !! Svo sýnist sem Björn Bjarnason telji það mjög þarft að þriðji orkupakki Evrópusambandsins verði samþykktur.

Fari ég með rangt mál, þá væntanlega leiðréttir Björn Bjarnason mig.

Þó að Gunnar Bragi, þing og ríkisstjórn hafi haft trú á ágæti þessa svo nefnda þriðja orkupakka á einum tíma þá er það nú svo Björn Bjarnason, að er tímar líða og mál skýrast, þá hendir það líka að skoðanir breytast og tel ég að það sé heimilt að skipta um skoðun á stundum.  

Við sem teljum nú, að þessi þriðji orkupakki sé eitraður erum þakklát fyrir alla liðveislu sem okkur stendur til boða við að hrinda þessari óværu frá og salta hanna endanlega niður í gröf sína.

Um fund þeirra David Cameron og Sigmundar Davíðs á sínum tíma vitum við fátt annað en að þeir höguðu sér frekar kjánalega þá er að þeim beindust myndavélar og þessi hrokafulli forsætisráðherra Breta og dóni David Cameron neitaði að biðjast afsökunar á hrottaskap fyrirrennara síns, hrossinu Gordon Brown forsætisráðherra á þeirri tíð sem og slepjunni Alister M. Darling fjármálaráðherra er þeir lýstu Íslendinga hryðjuverkamenn.

Munum að enn hefur eingin til þess bær beðist velvirðingar beðist á þessu skítkasti á okkur Íslendinga úr þinghúsi Breta.

Sá á skömmina sem framdi hana.

Styrmir 13/11 2018. óttast að Miðflokkurinn skáki Sjálfstæðisflokknum

og víst er um það að mörg okkar vildum gjarnan sjá gamla flokkinn okkar með sína skíru grundvallar stefnuskrá aftur heilbrigðan, en það verður klárlega ekki með þennan manskap í forustuliðinu. Viðreisn er ekki valkostur fyrir fólk sem vill frekar eiga landið sitt og og ráða sér sjálft heldur enn að vera einsog Grikki, aldeilis óráðandi um sinn hag.  Sigmundur gerði vissulega mistök eftir að RUV slóg hann útaf laginu með sínum rottum og sóðaskap. En sem forsætisráðherra þá sagði hann það sem hann meinti og þorði að beita sér í þeim málum sem hann ætlaði að koma í framkvæmd á meðan Bjarni þagði.   

Það sem er að gerast í Þýskalandi, Danmörk og Svíþjóð er bara að fólk er áttaðsig á því að gömlu flokkarnir hafa farið á bakvið kjósendur og eru ekki að starfa fyrir fólkið sem byggði upp þessi samfélög heldur eitthvað allt annað.  Forusta Sjálfstæðisflokksins hefur hagað sér eins og dæmigerður sósíallistaflokkur og gleymt því fyrir hvað hann á að standa.  

Kjánalegt var af forustu Sjálfstæðisflokksins að stofna til tveggja síðustu ríkisstjórna sem hafa reynst illa og mun betra hefði verið í báðum tilfellum að bíða, eftir að kosið væri aftur og það hefði ekki verið annað að óttast, en önnur ruglustjórn tæki við, en þá án Sjálfstæðis flokksins.

Að vísu kostar að eiga og byggja Ísland með nútíma hætti, en það er ekki vandamál ef við bara erum hagsýn og nýtum auðlindir okkar skinsamlega og stemmum sigu við því að erlendir ríkisborgarar kaupi upp landið. Það væri og hagkvæmt að fækka þingmönnum og flokkum í þeim tilgangi að vernda hefðir og freista þess að láta þinghúsið duga og koma þar á vinnu frið.  Augljóst er að engir aðrir en þingmenn standa í vegi fyrir framgangi ýmissa ágætismála og og popp upp mál sem ekki einu sinni ætu við i gamanleikþætti hefur fjölgað síðan þingið ríkisvæddi flokkanna.    

Miklir erfiðleikar og amstur steðja nú að Þingmönnum,

svo miklir að snarlega þarf að smala í liðsauka, þeim til liðveislu í  sókn þeirra til ESB endema. Enginn skilur þetta betur en Steingrímur J. S. sem vann stressaður, vanskiljandi, vakandi, sofandi og svangur heilt kjörtímabil við það að rækta óra og rugl Jóhönnu þá er henni gekk sem erfiðast í kattasmöluninni.

Fyrir þann hetjulega framgang hefði kamerat Sigfússon klárlega fengið orðu sem „besta rass skyttan“  hjá kamerat Stalín eins og  sannur Rússneskur NKVD liði með NAGAN sér til trausts og gagns við Volgu 1942.  Það er náttúrulega hneisa að að hafa alþingi svo illa mannað að herinn þar sé rétt við andlegt niðurbrot og þar með eru allar varnir í skötulíki og ekkert eftirlit með svikurum sem eru á bakvið alla rassa að lauma kapli í sjóinn til að senda óvininum styrk, afl og stuðning.

Það er ekki hægt að ætlast til þess að  svona illa mannaða lið geti kastað af sér öðru en vatni svo mjög brýnt er að liðveisla berist.  Það þarf að lesa allskonar uppgjafarskilmála, siðareglur og skilmála varðandi uppgjafarveislur.  Þriðja pakkann þarf líka að smyrja svo hann renni liðlega í gegn  hjá ritskoðun  ESB NKVD eftirlitinu, en  þessir vesalings úttauguðu þingmenn eru svo ringlaðir og aumir í puttunum að þeir vita ekki hvað er og hvað er ekki og eiga í vandræðum með að kjósa rétt með sínum aumu stjórnlausu puttum.  

Icesave hefði reynst okkur þungt, dýrt og mannskemmandi

ef því fólki sem þar gekk harðast fram, í gargandi svika vímu og falskt steinþeygandi matsmanninum ískalda að síðustu metrum hefði tekist að koma okkur í þann Icesave Gapastokk.  Það er ekki víst að við næðum nú 300,000 hefði þeim hrakförum ekki verið bægt frá með aðstoð Ólafs Ragnars og einbeitni landans, þökk fyrir það öllum sem þar lögðu lið.

En nú er búið að opna annan gapastokk, Orkugapastokkinn sem sjálfsagt allir icesave unnendur styðja svo sem sannir ESB dýrkendur gera.  En nú undanfarið þá er ekki laust við að mann fari að gruna að hér séu kvislingar að störfum.  Það er svo merkilegt að þingmenn margir vilja helst ekkert segja um þennan þriðja orkupakka  Evrópusambandsins og læðast með hann og bera því við að þetta sé mjög flókið mál, sem þurfi að hugsa vel, vandlega og síðast en ekki síst lengi. 

 Sniðugt, það er nefnilega allt einfalt sem maður skilur, hitt, að hugsa getur tekið smá tíma, en þar sem ljóst er að ekkert í þessum pakka kemur okkur að gagni, þá þarf hvorki að eiða í hann mikilli hugarorku eða löngum tíma, og svo er í honum eiturefni sem er hentugast og viturlegast að senda á upphafsstað, þ.e.s til framleiðandans með tilmælum um að eiða honum, en ef í ljós kemur að það eru hryðjuverkasamtök sem standa að þessu þá er einfaldast að láta landhelgisgæsluna um eyðinguna. 

Spurt hefur verið, á hvaða leið matsmaðurinn er með Icesave flokkinn sem hann skapaði úr þingflokki Sjálfstæðisflokksins með sínu ískalda mati og dyggilegri aðstoð Viðreisnar drottningarinnar á kúlunni hjá BB frænda hinum „ fullskapaða fullveldissala“ svo sem H. Jónson nefnir svo skemmtilega hér á síðum. Svo sem vant er þá svarar matsmaðurinn ískaldi ekki Jóni og oft ekki heldur séra Jóni.  þögn þingmanna getur stafað af því að þingliðið allt er að megin parti ófært um að hugsa, en líka kann þessi þögn þingmanna og ráðherra að  stafar af ótta við að segja sannleikan, af því að það hentar ekki ESB unnendum og þá heitir athæfið fals, undirferli og svo hefur sá verið sagður ómerkilegastur þjófa sem stelur sannleikanum.

 Það getur ekki dulist neinum að á þessu máli hvílir þrýstingur og forsætisráðherrann Norski er falskur og segir ósatt þegar hann heldur því fram að frá Norðmönnum hvíli engin pressa á Íslendinga.  Evrópusambandið fer hvergi dult með, að þar á bæ er þetta mál talið í höfn og þar með upplýsist annað hvort  ómerkilegheit Evrópusambandsins eða að hér á Íslandi eru Kvislingar með sendiboða að undirbúa þetta mál á bakvið okkur Íslendinga.