Icesave hefði reynst okkur þungt, dýrt og mannskemmandi

ef því fólki sem þar gekk harðast fram, í gargandi svika vímu og falskt steinþeygandi matsmanninum ískalda að síðustu metrum hefði tekist að koma okkur í þann Icesave Gapastokk.  Það er ekki víst að við næðum nú 300,000 hefði þeim hrakförum ekki verið bægt frá með aðstoð Ólafs Ragnars og einbeitni landans, þökk fyrir það öllum sem þar lögðu lið.

En nú er búið að opna annan gapastokk, Orkugapastokkinn sem sjálfsagt allir icesave unnendur styðja svo sem sannir ESB dýrkendur gera.  En nú undanfarið þá er ekki laust við að mann fari að gruna að hér séu kvislingar að störfum.  Það er svo merkilegt að þingmenn margir vilja helst ekkert segja um þennan þriðja orkupakka  Evrópusambandsins og læðast með hann og bera því við að þetta sé mjög flókið mál, sem þurfi að hugsa vel, vandlega og síðast en ekki síst lengi. 

 Sniðugt, það er nefnilega allt einfalt sem maður skilur, hitt, að hugsa getur tekið smá tíma, en þar sem ljóst er að ekkert í þessum pakka kemur okkur að gagni, þá þarf hvorki að eiða í hann mikilli hugarorku eða löngum tíma, og svo er í honum eiturefni sem er hentugast og viturlegast að senda á upphafsstað, þ.e.s til framleiðandans með tilmælum um að eiða honum, en ef í ljós kemur að það eru hryðjuverkasamtök sem standa að þessu þá er einfaldast að láta landhelgisgæsluna um eyðinguna. 

Spurt hefur verið, á hvaða leið matsmaðurinn er með Icesave flokkinn sem hann skapaði úr þingflokki Sjálfstæðisflokksins með sínu ískalda mati og dyggilegri aðstoð Viðreisnar drottningarinnar á kúlunni hjá BB frænda hinum „ fullskapaða fullveldissala“ svo sem H. Jónson nefnir svo skemmtilega hér á síðum. Svo sem vant er þá svarar matsmaðurinn ískaldi ekki Jóni og oft ekki heldur séra Jóni.  þögn þingmanna getur stafað af því að þingliðið allt er að megin parti ófært um að hugsa, en líka kann þessi þögn þingmanna og ráðherra að  stafar af ótta við að segja sannleikan, af því að það hentar ekki ESB unnendum og þá heitir athæfið fals, undirferli og svo hefur sá verið sagður ómerkilegastur þjófa sem stelur sannleikanum.

 Það getur ekki dulist neinum að á þessu máli hvílir þrýstingur og forsætisráðherrann Norski er falskur og segir ósatt þegar hann heldur því fram að frá Norðmönnum hvíli engin pressa á Íslendinga.  Evrópusambandið fer hvergi dult með, að þar á bæ er þetta mál talið í höfn og þar með upplýsist annað hvort  ómerkilegheit Evrópusambandsins eða að hér á Íslandi eru Kvislingar með sendiboða að undirbúa þetta mál á bakvið okkur Íslendinga.  

Athugasemdir

[Símon Pétur frá Hákoti (IP-tala skráð) 11.11.2018 kl. 11:59]

Takk fyrir góðan og þarfan pistil Hrólfur.

Já, það er vert fyrir íslenska þjóð að minnast þess núna, hvernig innlend valdastétt í umboði erlends valds, lék þjóðina um aldir.  Svo illa lék hún þjóðina að hún lifði á horriminni og voru flestar bjargir bannaðar af hörmöngurum og innlendri valdastétt.  Eftir margra alda kúgun og yfirgang innlendra leppa erlends valds fékk þjóðin þó loks fullveldi fyrir aðeins 100 árum.  Það er eins djöfullegt sem það er viðurstyggilegt af innlendu leppunum, þeim helstu í núverandi forystu Sjálfstæðisflokksins, að núna, aðeins 100 árum eftir að þjóðin fékk fullveldi skuli þeir ætla að fórna því á kostnað þjóðarinnar.  Ef einhverja má með sanni kalla kvislinga, leppa erlends valds sem svíkja þjóð sína, þá virðist nú einsýnt að svo megi brátt kalla flesta í núverandi forystusveit Sjálfstæðisflokksins.

[Hrólfur Þ Hraundal, 11.11.2018 kl. 16:12]

Þakka þér Símon Pétur gott mál hér sem annarstaðar.

Á K100 var Sigmundur Davíð á spjalli við stjórnandann og svo kom Brynjar Níelsson, maður einn af fáum í þingflokki Sjálfstæðisflokksins sem ég bar en traust til en þar fauk það.

Á Brynjari mátti skilja að hann teldi að EES samningurinn hefði verið svo verðmætur að honum væri ekki fórnandi fyrir eitraðan orkupakka ESB.

 

 

 

 

[Símon Pétur frá Hákoti (IP-tala skráð) 11.11.2018 kl. 18:30]

Já, ég hélt einnig að meira væri spunnið í Brynjar, satt best að segja, en hann virðist bara geta atast út af sokkaleistum píratafíflanna.

Styrmir vekur einnig athygli á þessari ef linku Brynjars.  En Sigmundur Davíð ætlar greinilega að taka slaginn, og er það vel.  Við gamlir íhaldsmenn verðum svo að pressa á þingmenn Sjálfstæðisflokksins.  Og það af mjög miklum þunga og af öllum okkar lífsins krafti, því án yfirráða yfir auðlindum landsins erum við ekki lengur fullvalda þjóð.  Þá hefur landinu verið rænt undan fótum okkar.  Slík er alvara málsins.