Schengen var einkum hugsað til að íbúar Evrópusambands landa

gætu ekið um landamæri innan sambandsins án tafa vegna vegabréfa skoðunar.  Þar sem Bretar geta ekki ekið yfir Ermasund til Hollands eða Frakklands af eðlilegum ástæðum, og þó að nokkrum sinnum hafi verið synt yfir sundið þá höfðu þeir ekkert með þetta Schengen að gera og var því þess vegna hafnað og ekki vitað til þess að það hafi valdið þeim tjóni.

Þetta er nokkuð svipað hér uppi á Íslandi að það er ekki svo auðvelt að aka útfyrir landamærin, og reyndar ekki vitað til að synt hafi verið frá íslandi til annarra landa, en við höfum bara svo miklu öflugri trúmenn hér á Alþingi sem sáu með putta talningu  á hendi sér að þar sem Stalín var dauður að þá lægju trúarbrögð framtíðar í Evrópusambandinu og því tilhlýðilegt að virða og elska allt sem frá því kæmi.  

En þó guðirnir séu miklir,  þá eru frekjur og yfirgangsmenn svo miklu meiri að illt er við að ráða.  Hér áður voru að megin efni fjórir flokkar á Alþingi og voru Stalínistarnir vinstramegin og Kapítalistarnir hægramegin og svo þeir sem voru opnir í báða enda á miðjunni og voru þeirrar náttúru að geta verið kommar á stundum en kapítalistar svona eftir því hvernig kaupin gerðust á eyrinni, göfug sannfæring þar. 

En nú er allt fullt af flokkum sem margir vita ekkert hvert skal stefna, en þeir fá kaupið sitt og því fleiri flokkar, því fleiri eru þá formennirnir líka og það er líka sönn viðskipta hagfræði í því að stofna flokk þar sem mun betri möguleikar gefast til að gera sig gildandi sem formaður í ríkisreknum stjórnmálaflokki við að tefja þingstörf.  Að tefja þingstörf er líka til hagsbóta fyrir Evrópusambands guðina en þó er ljóst að margir flokkar styrka ekki lýðræðið, þó betra sé að þeir séu tveir en einn.

Athugasemdir

[Jón Valur Jensson, 30.10.2018 kl. 11:32]

Verulega skemmtilegur pistill frá þér, félagi 

en um leið hittinn á samfélagsmeinsemdir og meinlokur!

[Hrólfur Þ Hraundal, 30.10.2018 kl. 12:53]

Þakka þér hlý orð Jón Valur, en það er mörg ruslakistan sem frekjur, yfirgangsmenn og þvaðurmaskínur hafa hafa safnað svo fullar af allskonar handónýtu en banneituðu rusli svo vellur úr þeim óþverrinn okkur öllum til armæðu, vandræða og tjóns.  

Það er stórmerkilegt hvað öfgamenn hafa mikil áhrif hér og nú höfum við fengið einn Evru prestinn í viðbót hjá neitendastofu.  

[Jón Steinar Ragnarsson, 30.10.2018 kl. 23:55]

Reyndar geta bretar ekið og tekið lestar til meginlandsin um ermasundsgöng.

[Hrólfur Þ Hraundal, 1.11.2018 kl. 19:35]

Þetta er ljóslega mjög heilagt fyrir þér Jón Steinar og hafðu nægju af því.