Þjóðfundur eða kennarafundur?

 

Mér var boðið á svo nefndan þjóðfund og fann út að þangað hefði ég ekkert að gera.  En að betur athuguðu máli þá ákvað ég að mæta þar og sjá hvernig svona færi fram og þar voru allir prúðir við átta manna hringborð, en af einhverri ástæðu þá var ég við sexmanna hringborð sem var skipað þremur kennurum eini verka konu og einni húsfreyju og mér velvirkjanum og svo stjórnanda borðsins sem mér skildist að væri kennari og svo tveimur auðum stólum. 

Einn af kennurunum var fullorðin maður sem hafði kennt í háskólanum og kom hann velundir búinn, með margskonar gögn í töskusinni og ætlaði ljóslega ekki að láta koma sér á óvart.  Húsfreyjan kom líklega á sömu forsendum og ég, það er að segja með tóma vasa og huga.  Verka konan gaf sig lítið uppi og sýndist tortryggin en ungu kennararnir tveir ( leit út eins og par og sátu saman) tóku stjórnina við borðið og skákuðu gamla kennaranum, þar sem þau voru ljóslega fullnuma í þeim aðferðum sem þarna voru notaðar en sá gamli ekki og þaðan af síður við hin.  Gögn gamla háskóla kennararanns voru þar með afskrifuð og þar með var hann eins og við húsfreyjan og verkakonan lent undir stjórn unga kennara parsins sem ljóslega var lært í að vinna úr boðum sem komu um kallkerfi hússins.

Á einhverjum tíma komu boð um kallkerfi hússins að tekin skyldi afstaða til Evrópusambandsins og fiskveiða og hafði ég að líkindum þar uppi ógætileg orð sem urðu til þess að kvenkyns kennarinn ungi hvesti að mér glyrnum og hvæsti að það skipti engu máli hvort það væri einhver Carlos eða Jón sem veiddu fiskinn við Ísland, hann yrði veiddur og það væri aðalatriði.  En ég hafði komið þarna til að skoða og athuga en ekki til að kenna og þaðan af síður til að starta slagsmálum, svo ég hafði mig hægan eftir þetta en varð var við að húsfreyjan af Suðurnesjum varð óróleg. 

Þar komum sögu þessa leiðinlega fundar að við þessi sex dreifðumst á önnur borð samkvæmt einhverri formúlu.  Þá lenti ég við áttamanna borð og þar voru líka þrír kennarar sem allt vissu og kunnu.  Einhvernvegin þá áttaði ég mig á að líklega væru kennarar fjölmennasta stétt landsins og forritaðir með þeirri formúlu sem þarna var notuð og eingin átti að vita um fyrirfram.

 

 

 

Athugasemdir

[Ragnar Gunnlaugsson, 28.3.2013 kl. 11:26]

Fróðleg frásögn, en kemur mér ekkert að óvart að þannig hafi þetta gengið til.Sjálfskipaðir vitringar haf ráðið þarna sem þeir vildu ráða. Svo er hrópað að þetta sé vilji þjóðarinnar.

[Helga Kristjánsdóttir, 29.3.2013 kl. 00:26]

Kennarar voru í eina tíð sagðir innræta kommunísk fræði enginn fetti fingur út í það.Þetta er nú ekkert skilt frásögn þinni Hrólfur,en datt þetta í hug ,í sambandi við stjórnsemi kennaranna.

[Eyjólfur Jónsson, 3.4.2013 kl. 17:55]

þessi "sjálfskipuðu vitringar" eru alltaf á öllum stofnfundum, sama hvers eðlis þeir eru , bara að þeir séu valdgefandi og að þeir ráði hverjir verði kosnir í stjórn og nefndir. Það er venjulega skipulagt viku fyrir þessa stofnfundi hverjir eiga að mæta og hvað verði kosið um. Svo einfalt er "lýðræði" 4 flokksins.