Ærurúnir afglapar og mótorin brotinn:

Þingmenn Vinstri Grænna  sjá sína sæng út breidda í áhrifaleysi, haldi þeir áfram að hlíta boðum hins kostalausa Steingríms, sem ekkert kann annað til að halda hita á sínum rassi, en að hlíta boðum hinnar stuttvængjuðu Jóhönnu sem grenjar eins og ofdekraður krakki fái hún ekki allt sem hún heimtar. En fólkið sem gaf Steingrími  vald, situr uppi með að hann gaf þessari láfleygu Jóhönnu atkvæðin þeirra og er stoltur af.

En Steingrímur er ekki einn um að vera kostalítill innan þingflokks VG  því að sá sem fylgir eftir í sýnsýki og atkvæðaþjófnaði og virkjar sér til frama og framdráttar er sjálfur heldur kosta rýr.  Samstaða einstaklinga innan Þingflokks VG til stuðnings við sér áhuga mál Jóhönnu Sigurðardóttur og nokkra áhangenda hennar hefur leit til þess, að tíma, orku og peningum hefur verið sóað til þess eins að fullnægja annarlegum hvötum þessa fólks,  á erfiðum tíma þegar þörf var fyrir þetta allt til annarra og vitrænni hluta.

Þessir vitlausustu ráðherrar Íslandssögunar, Jóhanna Sigurðardóttir og ráðherrar hennar fengu það verkefni að sameina þjóð á örlaga tíma,  en þau notuðu allt sitt afl og vit til að sundra, en mislukkaðist eins og gerðist með allt sem þau tóku sér fyrir hendur.  En þar með var ekkert eftir af afli og viti til að vinna þurftarverkinn,  góðverkin.  Þau verkefni eru því öll óunnin og er slæmt að sjá heilt kjörtímabil fara í súggin, fyrir utan niðurlæginguna sem það veldur, svo ekki sé talað um skemmdarverkinn.

Það er sama hvar litið er á slóð þessarar ríkisstjórnar, alstaðar blasir við eina stefnumál hennar og subbuskapurinn sem hangir aftan í því máli.  Jóhanna reynir þó allt hvað af tekur að halda vitleysis flugunni á lofti með frekju og hótunum þó að brotlending sé fyrirséð,  jafnvel þó að mögulegt sé að Framsókn og smáflokka mulningurinn fylki sér um hana og klambri henni vængi úr afglapa þvaðri Guðmundar vinguls Steingrímssonar, borgarstjórans sjónumhrygga og annarra gostappa .  En mótorinn er prump og skilar engu afli þannig að brotlending er óhjákvæmileg.  

En Össur er farinn að óttast um að það sé að fjara undan honum svo að hann þurfi jafnvel að kaupa sitt rauðvínið sjálfur í framtíðinni og þar með yrði hann að gera sig að fífli á eigin kostnað.  Ögmundi er annt um sinn rass og sá að hann yrði ekki vinsæll í niðurskornu heilbrigðisráðuneyti svo hann lagði á flótta og beið þar til skárra fannst.  Hann sá hvert stefndi löngu á undan öðrum í VG, en það fríar hann ekkert, því að hann studdi þessa vitleysu alla, alveg hingað til og gerir enn.  Þetta hjal nokkra ráðherra í VG nú í aðdraganda kosninga er bara of seint á ferðinni til að það geti talist marktækt, enda er það bara hjal. 

Þessir ráðherrar eins og aðrir í stjórn Jógrímu fengu tækifæri en notuðu það undir sinn eigin rass,  en ekki umbjóðenda sinna.  Það eina sem Ögmundur hefur sér til málsbóta er að hafna Kínverjanum, en hann er svo lítils gildur innan stjórnarinnar og VG að það kemur ekki að neinu haldi og hann sættir sig að sjálfsögðu við það og styður stjórn sína til allra góðra verka.  Það er hinsvegar nokkur munur á, hvað siðblindir og svo ærlegir telja vera góðverk.

Athugasemdir

[Eyjólfur Jónsson, 9.9.2012 kl. 23:58]

Sæll veri Breiðafjarðargoðinn. Ja þú sparar ekkert skítkastið á sómadrengina í ráðuneytunum. Einn af okkar betri mönnum liggur nú á Landspítalanum og hefur það ekki gott. Sá maður átti að vera einn af stoðum okkar á Suðurnesjum og er bara að vona að hann hressist eins og Eyjólfur. Einhvern veginn verð ég að finna stund og tíma til að koma þarna til Grundarfjerðar. En er þetta öruggur staður? Það ósar dauða forgengelsi þarna í staðarnöfnum, Kirkjufell,Kistufell,Helgrindur og svo Þröskuldardalur sem enginn kemst yfir. En ég er með einn góðan jeppa sem dregur vel. Það er mikið prentverk frá RVK sem þarf að komast til þín hið snarasta. Annars er allt í blóma hér í Hafnarfjörðinum góða, en fáir bátar í höfninni.