Hrólfur Þ Hraundal

9.4.2012 | 13:01

Foringinn og rakkar þeir sem hún safnaði saman í sína óþjóðhollu pukurstjórn,

sögðu þjóðinni, en ekki Bretum, stríð áhendur og síðan þá hefur Íslensk þjóð átt í stríði við ríkisstjórn þessa sjónumhrygga foringja frekjunnar. Evrópusambands umsókn skyldi af stað og allrasíst kom þjóðinni það við, en hún skyldi borga kostnaðinn og taka afleiðingunum. Icesave skyldi greitt svo það skyggði ekki á umsóknarferlið og þjóðinni kom það ekkert við, en hún skyldi bara þegja og borga.

Ný stjórnarskrá skyldi framleidd og í það látið skína að þjóðin hefði með það mál að gera. En þegar í ljós kom að landinn vildi ekkert með nýja stjórnarskrá hafa og þaðan af síður að velja ein hvert samsafn merkikerta til að stunda stjórnarskrár klambur þá tók foringinn til sinna ráða og skipaði þvert gegn þjóð og dómstólum svonefnt stjórnlagaráð. Stjórnlagaráð þetta fékk þá skipun að smíða stjórnarskrá sem heimilaði Evrópusambands aðild svo sem snarast mætti kasta hinni gömlu. Annar texti í þessari stjórnarskrá skipti ekki máli þar sem þessi stjórnarskrá átti bara að vera einnota. Stjórnlagaráðið mátti þó setja saman einhvern texta til að fylla út nokkrar blaðsíður, en það ætti helst að vera bull svo það þvældist ekki fyrir ESB aðild.

Öllum brögðum og fjármunum sem til þarf er beitt til að ná þessu eina markmiði Foringjans sem öskrar sé honum ekki hlítt. Hræddir undirsátar foringjans gjamma líka til að sína honum hollustu sína og undirgefni og fjármunir sem gagnlegir gætu verið til þeirra hluta sem helst vantar hjá þjóð í vanda renna út um stúta í veitukerfinu merktir ESB og eru notaðir til að svala rótum sem Foringjanum eru þóknanlegar.

Ég veit reyndar ekki hversvegna ég er að þylja þetta því það er nokkuð sama hvað sagt er hér á landi nú um mundir það virkar ekki.

En vandi okkar er ekki nema að litlu leiti vegna banka hruns, sem átti sér stað fyrir bráðum fjórum árum og vakti athygli á Íslenskum bankaþjófum og ESB reglugerðum sem studdu þeirra verk. Núverandi vandi er beinlínis framleiddur af Foringjanum og snata hennar Allsherjar, vegna þeirra vitleysis og klaufaskapar, en þó fyrst og fremst vegna þeirra ósvífni, lyga og skilningsleysis tilhanda okkur Íslendingum.

Davíð skildi og sagði að við ættum ekki að borga skuldir óreiðumanna og svo er að sjá að flest allir nema sveitir Foringjans hafi tekið hann á orðinu. Geir kom á neyðarlögunnum og var ákærður fyrir af þeim sem mest hafa notað þau til að upphefja sjálfasig og sinn árangur. Ólafur Grímsson var ágætlega vinsæll hjá nokkrum hluta þjóðarinnar og náðu þær vinsældir hámarki hjá Samfylkingunni og Vinstri Grænum þegar hann neitaði að skrifa undir fjölmiðlalögin og þar gaggaði einhver Ingibjörg Sólrún hvað hæst, til verndar því sem síðar kom í ljós.

Vinsældir Ólafs hrundu hinsvegar hjá Foringjanum og rökkum hans þegar Ólafur neitaði að skrifa undir Icesave. En sú aðgerð Ólafs stóð lóðbeint á orðum Davíðs, orðum sem þjóðin sá von í og treysti betur en leti og ómensku Svavars og Steingríms Allsherjar. En dag eftir dag moka þau Foringinn og Allsherjar skít alla daga svo ekki er skrítið þó þau séu þreytt og hægt gangi með að koma skikki á landsmálinn.

Væri ekki rétt útfrá mannúðar sjónarmiðum að senda geðlækni til að skoða skítmokara þessa þar sem skítmokstur getur eins og hvað annað orðið að ástríðu.

Flokkur: Bloggar | Facebook