Hvernig væri að hlusta á Sigurð Líndal?

Það er meira en alvarlegt ef svo er að Valdimar Samúelsson hefur rétt fyrir sér.  Það væri kannski ekki svo vitlaust að hlusta á Sigurð Líndal og fara svo að huga að því að fara eftir stjórnar skránni og setja refsilög þar við.  Það er nefnilega svo að það er alveg sama hvað það eru samin merkileg lög eða stjórnarskrár,  allt er það lítils gilt ef ráðherrar geta endalaust teygt og sveigt lögin að sínum þörfum.   

Við landslýður þurfum að borga þúsundir fyrir að gleyma að fara með bílinn í skoðun,  og þúsundir fyrir að aka á 97km hraða, og nefnið það bara hvað það er einfalt fyrir okkur þrælanna að koma okkur í þá aðstöðu að fá hamingju samlega að borga sekktir eins og ótíndir glæpamenn.  En ráðherrar bera enga ábirgð á gerðum sínum fyrr en þeir eru hættir,  enda þá komnir í sömu aðstöðu og við hinir almennir borgarar þessa lands.

Landsdómur varð ekki til í þeim tilgangi að sækja til saka almenna borgara þessa lands heldur til handa starfandi ráðherrum í þeirri von að þeir finndu hjá sér hvöt til að fara eftir lögum og stjórnarskrá.  En það lítur svo útfyrir að með landsdóm geti ráðherrar farið með eins og hund og siga frá sér hvert þangað sem geð þeirra bíður.      

Athugasemdir

[Gunnar Heiðarsson, 12.11.2010 kl. 11:20]

Sæll Hrólfur, þingið undir handleiðslu og af þægð við formenn stjórnarflokkanna braut sannanlega bæði 14. og 50 gr. stjórnarskrárinnar, þegar það ákvað að sækja til saka fyrrum ráðherra og draga hann fyrir landsdóm.

Þetta kemur svo sem ekki á óvart, nú eftir rúmlega eins og hálfs árs starf hefur þessi ríkisstjórn brotið 1., 14., 16., 17., 19., 20., 21. og 50. greinar stjórnarskrárinnar.

[Gunnar Heiðarsson, 12.11.2010 kl. 11:22]

Fyrirgefðu Hrólfur en ég gleymdi að nefna 48. greinina en hana hefur stjórnin einnig brotið.