Flækjufætur og þrælmenni:

Gert Grundarfirði 10/01 ´10.   Hrólfur Hraundal.Flækjufætur og þrælmenni:  Tvisvar hafa Íslensk stjórnvöld klúðrað þessu Icesave  máli.  Og þegar aðeins var eftir að læsa á okkur skuldahaftinnu við Breska ljónið, þá  kom Bessastaðavaldið á óvart og bjargað okkur undan þrælahafti nauðungarafla Evrópu og ber að þakka Ólafi það og virða.  Hann hefur og gert betur og messað yfir Bretum, sem sannarlega var komin tími til að einhver Íslendingur hefði þor til að  gera.  Heigulsháttur hefur verið ríkjandi í þessu máli hér á Íslandi og er þar engin undanskilin.  Þess er krafist af Bretum að við endurgreiðum, en hvar er þetta sem við eigum að endurgreiða?.  Það hlýtur að vera einhverstaðar, en ekki hefur það rekið á mínar fjörur.  Bretar hljóta að vita hverjir fengu þessa peninga og væri þeim nærtækast að senda sína handrukkara til þeirra.  Sjálfsagt finnst lærðum spekingum og aura púkum þetta full mikil einföldun á flóknu máli.  En þetta var ekkert flókið mál og við þrælar Íslands flæktum það ekki.  Við vissum ekki einu sinni af því fyrr en það hrundi yfir okkur.  En tíminn líður og mesta andateppan að líða frá í Evrópu.   Þeim er því að fjölga í Sovét Evrópu sem þora að tala um ómerkilegheitin í þessu máli.  Bæði hér uppi og þarna niðurfrá sögðu nokkrir þegar í upphafi að þetta mál væri sára einfalt og skýrt.   En Sovét Evrópa stillti okkur upp við vegg og við fengum að sjá hverjir eru ódrengir með héra hjarta.  Því það var óttinn sem rak þá til þessa ódæðis.  Óttinn við að tapa af einhverjum peningum og þar með völdum,  því heiður skiptir þessa Evróhéra engu.    Ríkisstjórn sundrungar:  Ríkisstjórnin hefur helst valið sér óþurftarverk og gert allar hörmungarspár og hótanir erlendra manna að sínum.  Samkvæmt hennar málflutningi er best að hafa  alla Íslendinga í skollaleik og helst keflaða líka.  Nú eru ráðherrarnir í fýlu og hlaupandi út um holt og skóga Evrópu þeirra erinda að slökkva elda sem Ólafur á að hafa kveikt,  en lítið hefur frést af eldum.  Bretar eru hryðjuverkamenn, en þeir Brown og Darling hefðu aldrei komist svona langt í skítmennsku sinni ef Evrópusambandið hefði ekki lagt blessun sína yfir gerðir þeirra.   Um Hollendinga þarf ekkert að fjalla því þeir eru bara hýenur á eftir Breska ljóninu í von um bita.  Það er valda stéttin í Sovét Evrópu, sem með öllum ráðum hefur hindrað að hið rétta nái fram að ganga, vegna hræðslu við eigin afglöp.  Skandinavíu sovétið, Finnar og Stikkfrí og Baunarnir hangandi þar með horfðu á með hallandi haus og starandi rangeygðir á væntanlega slátrun okkar.  Norðmenn hafa aldrei verið neinir vinir okkar, nema þeirra hagsmunir liggi þar undir.Hér suðvestur í hafinu eigum við vini sem ekki eiga heima hér með.   Pólverjarnir af sínum dugnaði áttuðu sig á því að á Íslandi var þeirra verkafólki betur tryggður réttur en hjá öðrum.  Þeir ákváðu þess vegna að veita Íslandi lán svo það gæti haldið áfram styðja Pólska verkamenn, án skilyrða um svarta vinnu.  En Sovét Evrópa stoppaði það.   Ráðgjafar og svo sauðirnir:  Sú fyrsta sem flutti mál til varnar Íslandi erlendis og var að gagni, var Eva Joly.  Ráðum sínum hefur henni hugsanlega fundist illa beitt og þess vegna notað þau sjálf okkur til handa.  Svona vinnubrögð þekkja íslendingar vel.  Ef eingin nennir að vinna, eð telur sig of merkilegan til að sópa, þá gerum við það bara sjálf.  Hún hefur sýnt að hún er ærleg.  Góður ráðgjafi er samt lítilsvirði ef ráð hans eru ekki notuð.  Góður ráðgjafi er lítils megnugur ef á hann hlusta bara sauðir.   Ég hef sterkan grun um að svo hafi oftast verið.  Væri ekki ráð að hlusta á hanna Evu núna ?.  Hvernig sem þetta mál á að fara þá má öllum vera ljóst að ekki gengur að láta Steingrím stjórna því í hið fjórða sinn.  Vegna reynslunnar þá væri líka æskilegt að huga að, hvaða fræjum þessir kjánar eru að sá núna, þarna suður í Evrópu.  Stórum hópi óbreyttra  Íslendinga varð fljótlega ljóst að við almenningur bárum enga ábirgð á einkafyrirtæki með starfsleyfi á Bretlandseyjum.  Jóhanna og Steingrímur voru þess hinsvegar full viss að við ættum að skila þessum peningum sem við höfðum aldrei fengið.  Við höfum átt í stríði við Evrópu nú í heilt ár.  Við höfum þurft að þola þunga skothríð þaðan en þó harðasta frá Bretum sem fengu á okkur opið skotleyfi frá Sovét Evrópu.  Þeir sem áttu að standa í brjóst virkinu höguðu sér ekki ólíkt og Kvisling, sem taldi sitt vit og sín verk, best fyrir Norðmenn.  Kvarti sá sem ærlegastur er í þessu máli. Hrólfur Hraundal