Ráðskudraumar í hund og kött.

 

Ráðsku draumar í Hund og kött:

Kjánar sem halda sig geta bjargað mannorðinu með því að segja sig frá ráðherra dómi vegna nauðungar sem þeir telja sig beitta , en styðja svo þrælasvipunna með öllum ráðum og dáðum meiga vel lifa í sinni trú.

Að vera neitað um að tala væri kannski í lagi ef um væri að ræða kakkalakka en svo var ekki.  Allir þeir sem höfnuðu þjóðaratkvæða greiðslu vegna Icave hljóta að fá svartan blett frá umbjóðendum sínum.  Það var nefnilega ekki á vísan að róa hjá Bessastaðavaldinu.

Svavar kom af sínum rómaða dugnaði og uppvaknaður með samþykkt en ekki samninginn frábæra sem Steingrímur lofaði að hann myndi landa.

Svona fénaður er lítt til þess fallinn að rétta við virðingu og traust og var ég um þetta að hugsa þegar ég sofnaði koddalaus í rúminu okkar hjóna, en koddanum hafði frúin stolið sér hagræðingar við lestur.

 

    Skyndilega var ég á þvælingi upp í valhöll hjá guðunum og spurði Óðin, og hvað með forsætisráðherrann ?  Úff sagði hann og snéri höttinum hvatlega kvart hring og benti á Þór.  Þór kallaði á Röskvu en hún tók á sprett og hljóp yfir fjöll,  Þjálfi stökk í sjó fram  og synti brott tökum snörum. Sif gaf sínum rauð skeggjaða maka kinnhest og sakaði hann um daður við kerlingar hex og glotti þá við Loki hin fláráði og faðir Heljar.