Vandræða hross:

 

Vandræða hross:

   Þeir eru ekki alveg ólíkir þeir Brown og Steingrímur.  Báðum hentar vel að niðurlægja þær þjóðir sem þeir eiga að verja veraldlega og siðferðilega og í hrossaskap felst þeirra stjórnmálasnilld.  Fláræði er þeirra tegundar einkenni og hefur     Steingrímur barist fyrir málstað Breta nú í heilt ár og einskis látið ófreistað til að gera veg þeirra sem mestan.  Það sem sagt hefur verið, af innlendum sem erlendum okkur til varnar í þessu máli hefur engu breitt.  Óréttur Breta skyldi varinn og kuskið burstað af jakkaboðungum Browns í leiðinni.  Réttlæti er hvort sem er ekki handa lýðnum heldur valdinu sem tekur það.

   Þar sem Evrópusambandið er skapað af mönnum sem allir gera einhver tíman mistök,  þá verða mistök hjá því sambandi sem og öðrum samböndum.

   Erlent fólk sem stutt hefur okkar málstað og hneykslast á Brown fyrir þjösnaskap í nafni hins mikla máttar Breska ríkisins,  eru líka farnir að öðlast þor til að gagnrýna Evrópusambandið og ágalla þess,  en þar á bæ þegja menn þunnu hljóði, enda auðvelt að þegja mistök í hel varði þau fáa.  Andateppan er í rénum í Evrópu en magnast í Jóhönnu og Steingrími sem verða að fá aura fljótt, svo hægt sé að kaupa aðgöngumiða að Evrópu, en með þeim fylgir túpa af gæða stólalími.

   Senn kemur þar sögu að við verðum að fara að átta okkur á því að það er ekki að marka eitt auka tekið orð af því sem Steingrímur segir.  Núna kallar hann saman formenn allra flokka til að mynda breiða samstöðu.  Er ekki eins og þetta hafi gerst áður, og hvernig fór?  Vilji menn losna við kosningar þá þarf ekki annað en að draga til baka gerðir ríkisstjórnarinnar varðandi þetta mál.   En eigi Steingrímur að vera með í einhverjum samningaviðræðum, þá er langbest að senda hann bara einann í von um að honum verði umbunað með stöðu kallara við Bresku hirðina.      

 

                                                            Hrólfur Hraundal      

 

Athugasemdir

[Ásgeir Jóhann (IP-tala skráð) 16.1.2010 kl. 18:21]

Þú segir nokkuð það er eins og eithvað hefur komið við þig ertu kannski úr gamla Framsóknarflokknum.

[Hrólfur Þ Hraundal, 19.1.2010 kl. 14:53]

Biðst velvirðingar á eftirtektarleysinu Ásgeir.  Já það er rétt það hefur ýmislegt komið við mig í gegnum tíðina, enda kagaður allan hringinn eins og bíll frúarinnar.  En þó ég reki við af og til þá er ekki opið alveg í gegn.